الأسئلة المتكررة
كيف أشتري الملفات؟
لازم تسجل دخول أول شي عن طريق الجوال وبعدين حط المنتجات الي تبيها بالسلة وبالتالي إتمام عملية الدفع ، لا تخاف ماتقدر تحط نفس الملف بالسلة مرتين!
كيف أستفيد من المنتجات المجانية؟
نفس طريقة المنتجات المدفوعة كمل إتمام الطلب وما راح ناخذ منك ريال واحد الملفات هذي للفايدة العامة ومانبي إلا دعواتك
كيف توصلني الملفات؟
بتوصلك بطريقتين ملفات جاهزة عن طريق الإيميل الي مسجل في حسابك لذلك تأكد انه إيميل صحيح ومفعل ، وكمان بتوصلك روابط مباشرة على الواتس اب المسجل بحسابك لكل ملف واضحة جداً كل الي عليك تحملها بجهازك وتشغلها ببرنامج البوربوينت
شريت منتج بالغلط !! ذلحين كيف الطريقة؟
أبد تواصل مع واتس اب المتجر وأبشر باسترجاع المبلغ لمحفظتك في المتجر وتقدر تشتري بقيمته المنتج الي كنت تبيه، للعلم مايوجد استرجاع على قيمة الحقائب نهائياً
أقدر أشارك الملفات مع زملائي؟
نعتذر منك المتجر قائم على خدمة المعلمين فإذا أنت بتشاركه معهم بدون مقابل لكل شخص أنت تهضم شغل وتعب شهور متواصلة من العمل والتعديل ، وللأسف نقدر نطبق عليك سياسة الخصوصية والاستخدام و نحاسبك قانونياً على الحقوق المحفوظة حسب القانون السعودي.
أقدر أعدل على الملف؟
أكيد لك الحق في التعديل زي ماتبي والملف قابل للتعديل سواء عروض بوربوينت أو ملفات بتوصلك على شكل word .
أقدر أنشر الملفات المجانية وأشاركها؟
أكيد تقدر لكن نفضل إنك تنشر رابطها في المتجر وتكون ساهمت في زيادة انتشار المتجر وفتحت باب رزق لنا والله يجزاك خير
طيب العرض ما يشتغل عندي؟!
جميع العروض تم تصميمها بحيث تعمل على أي جهاز وعلى أي إصدار وفي حالة لا سمح الله لم يظهر لك النص وظهر بداله مربعات أو رموز تقدر تحدد النص وتغير الخط وبتظهر إن شاء الله.
أقدر أشغل العرض ع الجوال أو التابلت؟
ايه تقدر العروض تم تصميمها للعمل على أي جهاز ولكن بالتأكيد ماراح تكون نفس جودة العرض اذا استخدمت برنامج غير البوربوينت ، كي نوت مثلاً !
قد شريت منكم منتجات وضيعتها، مابي أشتريها مرة ثانية وش السواة؟
كل منتجاتك برقمك محفوظة عندنا بسجلات الشراء نقدر نسترجع لك كل ملف شريته مسبقا بس عاد حافظ عليها مب كل شوي جاي تدورها
طيب أنا ودي تضيفون شي مب موجود في العرض زي ربط بالدين والوطن و ... من طلبات المشرفين الي تعرفون، تسوون لي!
أكيد نخدمك بعيوننا لكن الإضافات عليها مقابل مالي وتكون عن طريق شريحة إضافية أنت تنسخها وتحطها جوا عرضك
طيب الاختبارات أبي أعدل عليها؟
بالنسبة للاختبارات ما نعدل عليها إلا في حالة وجود خطأ علمي أو تقني غير مقصود مننا ، أنت غير الأسئلة زي ما تحب وعلى كيفك.